OGSM гэж юу вэ?

OGSM гэдэг нь Objective буюу зорилго, Goal буюу зорилт, Strategy буюу Арга зам болон Measure буюу Ажлууд гэсэн 4 үгний товчлол ба байгууллагын үйл ажиллагааг төлөвлөн хэрэгжүүлэхэд ашиглагддаг ихээхэн танигдсан аргачлал юм.  OGSM-ийг байгууллагын стратегийн гол зорилтуудыг хэрэгжүүлэх төлөвлөлтөд хэрэглэвэл үр дүнтэй. 

OGSM -ийг хэн хэрэглэх вэ ?

OGSM-ийг бүх ААНБ хэрэглэх боломжтой. 

Ялангуяа Төлөвлөлтийн мэдлэг, соёл, процесс тогтоогүй ААНБ-ууд OGSM-ийг хэрэглэн хялбараар төлөвлөлт хийх боломжтой. 

Хэрэглээний хувьд Байгууллагын түвшинд, нэгжийн түвшинд, албан тушаалтны түвшинд гэх мэтээр ялгаатайгаар хэрэглэж болно.

OGSM Яагаад чухал вэ?

Төлөвлөлт бол бүхий л байгууллагын хувьд чухал ач холбогдолтой. Дан ганц борлуулалтаа өсгөх гэх мэт төлөвлөлт нь ААНБ-уудад хангалттай биш юм. Стратегийн төлөвлөлтөд хэрэглэгддэг BSC(Balanced Score Card) аргачлалтай OGSM-ийг хослуулан хэрэглэх нь илүү үр дүнтэй. 

OGSM аргачлалаар гаргасан төлөвлөлт нь  ойлгомжтой , үр дүнд чиглэсэн, хариуцах эзэнтэй, юу хийгдэх нь тодорхой байдаг ба энэ нь байгууллага дахь удирдлага, нэгж, ажилтнуудын хоорондын ойлголцлыг ч сайжруулах үр ашигтай талтай.